مسته‌فا كازمی: "پیرۆزبایی لەگەلی كورد و سەرجەم عێراقییەكان دەكەین"

​​​​​​ھەولێر - AA

ئەمڕۆ شەممە ٢٠ی ئاداری ٢٠٢١، سەرۆکوەزیرانی عێراق، مستەفا کازمی بە بۆنەی ھاتنی جەژنی نەورۆز لە پەیامێکدا پیرۆزبایی لە گەلی کورد و سەرجەم ھاووڵاتیانی عێراق کرد.

سەرۆکوەزیرانی عێراق، مستەفا کازمی لە ھەژماری تایبەتی خۆی لە تۆڕی کۆمەڵایەتی تویتەر بە هەرسێ زمانی کوردی و عەرەبی و ئینگلیزی پەیامێکی بڵاوکردەوە و تێدا پیرۆزبایی جەژنی نەورۆزی لە گەلی کورد و سەرجەم ھاووڵاتیانی عێراق کرد.

مستەفا کازمی لە پەیامەکەیدا داوای یەکڕیزی وڵات و پاراستنی دەستکەوتە دیموکراسییەکان کردەوە و راشیگەیاند " ئامانجمان تێپەڕاندنی بارگرانییە ئابووری و تەندروستییەکان و بڵاوکردنەوەی گیانی برایەتییە لەنێوان سەرجەم پێکھاتە عێراقییەکان".

پیرۆزبایی لەگەلی كورد و سەرجەم عێراقییەكان دەكەین بەبۆنەی جەژنی نەورۆزەوە، لەم ڕۆژەدا جەخت لەیەكڕیزی وڵات و پاراستنی دەستكەوتە دیموكراسییەكانی دەكەینەوە، ئامانجمان تێپەڕاندنی بارگرانییە ئابوری و تەندروستییەكان و بڵاوكردنەوەی گیانی برایەتییە لەنێوان سەرجەم پێكهاتە عێراقییەكان.

— Mustafa Al-Kadhimi مصطفى الكاظمي (@MAKadhimi) March 20, 2021