عێراق.. ژمارەیەك بڕیار لە لیژنەی باڵای تەندروستیی و سەلامەتی نیشتمانییەوە

هەولێر ــ AA

لیژنەی باڵای تەندروستیی و سەلامەتی نیشتمانیی عێراق بڕیاریدا بە گرتنەبەری رێوشوێنەكانی خۆپارێزیی لە بڵاوبوونەوەی ڤایرۆسی كۆرۆنای نوێ (COVID-19)، سه‌رله‌نوێ مزگەوتەكان و پارك و شاری یارییەكان بكرێنەوە كە لە مانگی ئاداری رابردووە بەهۆی بڵاوبوونەوەی ئەو ڤایرۆسەوە، داخرابوون.

كەناڵی نیمچە فەرمی عێراقییە بڵاویكردەوە، لیژنەی باڵای تەندروستیی و سەلامەتی نیشتمانیی عێراق ژمارەیەك بڕیاری سەبارەت بە كردنەوەی مزگەوتەكان و پارك و شاری یارییەكان لە عێراق دەركردووە.

ئاماژە بەوەدراوە كە لیژنەی باڵای تەندروستیی و سەلامەتی نیشتمانیی عێراق بڕیاریداوە كە رێگه‌ به‌ سەردانیكردنی هاووڵاتی هیچ وڵاتێكی جیهان بۆ عێراق نادرێت و هەروەها بەگرتنەبەری رێوشوێنەكانی خۆپارێزیی و دووره‌پەرێزیی كۆمەڵایەتی، سه‌رله‌نوێ مزگەوتەكان بەڕووی نوێژخوێناندا بكرێتەوە.

لیژنەكه‌ بڕیاریشیداوه‌، هەر لەچواچێوەی بەگرتنەبەری رێوشوێنەكانی خۆپارێزیی و دووپەرێزی كۆمەڵایەتی، سه‌رله‌نوێ پارك و شاری یارییەكان بكرێنەوە.

راشیگەیاندووە، عێراق بەردەوامە لە هاوبه‌شیی لەگەڵ چین و ئیمارات بۆ پەرەپێدان به‌ پێكوتەكەی چین دژبە كۆرۆنا بۆ ئەوەی سوودی لێ ببیندرێت.