عێراق: "٦٥ھاووڵاتییمان لە دوو شاری ئۆکراینا گواستووەتەوە"

ھەولێر ــ AA

وەزارەتی دەرەوەی عێراق رایگەیاند کە بە ھەماھەنگیی لەگەڵ وەزارەتی دەرەوەی ئۆکراینا، ٦٥ ھاووڵاتیی عێراقی لە شارەکانی سومی و خارکێڤ گواستووەتەوە.

گوتەبێژی وەزارەتی دەرەوەی عێراق، ئەحمەد سەحاف لە راگەیەندراوێکدا ئاماژەی بەوە داوە کە باڵیۆزخانەی عێراق بە ھەماھەنگیی لەگەڵ وەزارەتی دەرەوەی ئۆکراینا و کارگێڕیی خۆجێی شاری سومی، ٦٠ ھاووڵاتیی عێراقی لە شاری سومی کە گەمارۆدراوە، گواستووەتەوە لەنێویاندا ژمارەیەک منداڵ، ئافرەت و بەساڵاچوو هەن.

ئەحمەد سەحاف راشیگەیاندووە کە باڵیۆزخانەی عێراق توانیویەتی خێزانێکی عێراقی کە ژمارەیان پێنج کەسە لە شاری خارکێڤ کە لەئێستادا شەڕ و پێکدادان و ھێرشی سەربازیی تیایدا بەردەوامە، بگوازێتەوە.

رۆژی ٢٤ی مانگی شوباتی رابردوو ھێرشی سەربازیی رووسیا بۆسەر ئۆکراینا دەستی پێ کرد کە تا ئێستا بەردەوامە.

ھاوکات ھەریەک لە ئەمریکا، بەریتانیا و یەکێتیی ئەورووپا بەھۆی ھێرشە سەربازییەکەی رووسیا بۆسەر ئۆکراینا، سزای نوێیان لە بوارەکانی ئابووریی، داریی، گواستنەوە و وزە بەسەر رووسیادا سەپاند.