عێراق.. خۆپيشاندانەكانى شارى نەجەف ١٠ كوژراوى لێكەوتەوە

بەغدا - AA

ژمارەى قوربانيانى خۆپيشاندانەكانى شارى نەجەف باشوورى عێراق لە دژى حكوومەت كە بەدەست هێزە ئەمنييەكانەوە تەقەيان لێكرابوو گەيشتنە ١٠ كوژراو و سەرووى ١٠٠ بريندار.

هێزە ئەمنييەكان بۆ بڵاوەپێكردنى خۆپيشاندەران كە لە نزيك كۆمەڵگەى مەزارى محەمەد باقر حەكيم كۆببونەوە گازى فرمێسكڕێژ و تەقەى رووبەروويان بەكارهێنا.

سەرچاوەكان لە نەخۆشخانەوە رايانگەياند لە ئەنجامى رووداوەكاندا ١٠ كەس کوژران و نزيكەى ١٠٠ی دیکە برينداربوون.

لە پاش رووداوەكان فەرماندەیى ئۆپەراسيۆنەكانى نەجەف بڕيارى قەدەغەى هاتوچۆى لە شارەكە راگەياند.