27 نیسان 2020•نوێکردنەوە: 27 نیسان 2020
بەغدا ــ AA
لە ئاكامی رووبەڕووبوونەوەی نێوان خۆپیشاندەران و هێزە ئەمنییەكان لە شارۆچکەی ریفاعی باكووری پارێزگای زیقار باشووری عێراق، حەوت خۆپیشاندەر برینداربوون.
لەوبارەوە ئەفسەرێك لە وەزارەتی ناوخۆی عێراق كە نەیویست ناوی ئاشكرا بكرێت لە لێدوانێكدا بۆ ئاژانسی ئانادۆڵو باسی لەوەكرد، رووبەڕووبوونەوە لەنێوان خۆپیشاندەران و هێزە ئەمنییەكاندا لە شارۆچکەی ریفاعی باكووری زیقار، روویداوە.
ئاماژەی بەوەیشدا كە لەمیانی رووبەڕووبوونەوەكەدا، هێز ئەمنییەكان گولـلەی راستەقینەیان بەرامبەر بە خۆپیشاندەران بەكارهێناوە كە بەهۆیەوە حەوت خۆپیشاندەر برینداربوون.
راشیگەیاند كە دواتر بە ئامانجی كۆنترۆڵكردنی رەوشەكە، هێزە ئەمنییەكان هاتوچۆکردنیان لەسەرتاسەری قەزای ریفاعی قەدەغە كرد.
