Triska Sherzad
30 تەمووز 2020•نوێکردنەوە: 30 تەمووز 2020
هەولێر - AA
سەرۆکی هەرێمی کوردستان، نێچیرڤان بارزانی بەبۆنەی هاتنەوەی جەژنی قوربان پەیامێکی پیرۆزبایی بڵاوکردەوە کە تیایدا پیرۆزبایی خۆی ئاراستەی خێزان و كهسوكارى شههيدان و پێشمهرگه، موسڵمانانى كوردستان، عێراق و جيهان، ههروهها هێزهكانی ناوخۆ، پزيشكان و كارمهندانی تهندروستی کردووە و رایگەیاندووە "هیوادارم جهژن بكهینه دهرفهتی قووڵكردنهوهی زياترى گیانی لێبوردهیی، تهبايى و پێكهوهیيى پێكهاته ئايينى و نهتهوهيييهكانى كوردستان".
دەقی پەیامەکەی سەرۆکی هەریێمی کوردستان، نێچیرڤان بارزانی:
جهژنى قوربان له خێزان و كهسوكارى سهربهرزى شههيدان و پێشمهرگه قارهمانهكان، له موسڵمانانى كوردستان، عێراق و جيهان، ههروهها له هێزهكانی ناوخۆ، پزيشكان و كارمهندانی تهندروستی و دامهزراوه پهیوهندارهكانی ههرێمى كوردستان كه بۆ پاراستنی گیانی هاووڵاتیان بهرهنگارى پهتاى ڤايرۆسى كۆرۆنا بوونهتهوه، به گهرمى پيرۆز دهكهم.
هیوادارم جهژن بكهینه دهرفهتی قووڵكردنهوهی زياترى گیانی لێبوردهیی، تهبايى و پێكهوهیيى پێكهاته ئايينى و نهتهوهيييهكانى كوردستان، ههوڵهكانی ههموو لایهكيشمان بۆ نههێشتنی ناكۆكییهكان بگاته سهركهوتنی یهكجاری. كوردستانيان دڵنیا دهكهمهوه لهم پێناوهدا بهردهوام دهبين و دهبێ ههموو لايهك تواناكانمان يهك بخهين و پێكهوه كار بكهين بۆ چارهسهركردن و تێپهڕاندنى قهیران و گرفتهكان و مسۆگهركردنى ماف و شایسته دهستوورییهكان و پاراستنى پێگه و قهوارهی ههرێمى كوردستان.
بهڕێز و پێزانینێكی زۆرهوه له خۆڕاگری و پشوودرێژيی کوردستانيان دهڕوانم كه بههۆى پهتاى ڤايرۆسى كۆرۆنا و لێكهوته ئابوورييهكانييهوه، بهرگهى قهيران و سهختييهكان دهگرن، هیوادارم جهژنهكانی داهاتوومان له خۆشی و ئاسودهییدا بگێڕین، سهختييهكانمان تێپهڕاندبێت و ئاسۆیهكی گهش به ڕووی كوردستاندا كرابێتهوه، ههروهها داواكارم ههمووان ڕهچاوى ڕێكاره تهندروستييهكان و خۆپارێزى بكهن.
جهژنى ههمووان پيرۆز بێت، ههموو ساڵێك به خۆشى. ئاشتى و سهقامگيرى بۆ كوردستان، عێراق و ناوچهكه، جيهان و تهواوى مرۆڤايهتى دهخوازم.
