سەرۆکوەزیرانی عێراق سەردانی سعوودیە دەکات

بەغدا - AA

سەرۆکوەزیرانی عێراق عادل عەبدولمەهدی بە سەرۆکایەتی شاندێک لە سەر ئاستێکی باڵا، سەردانی سعوودیە دەکات.

عەبدولمەهدی دوای کۆبوونەوەی ئەنجوومەنی وەزیران کۆنگرەیەکی رۆژنامەوانی رێکخست.

سەرۆکوەزیرانی عێراق باسی لەوە کرد کە لەپەیوەندییەکانی عێراق و سعوودیەدا خاڵێکی وەرچەرخان هاتۆتە ئاراوە و ئاماژەی بەوەدا کە سبەی چوارشەممە، بە سەرۆکایەتی شاندێکی باڵا کە پێکهاتووە لە پیاوانی خاوەنکار و وەزیرەکانی کابینەکەی سەردانی سعوودیە دەکەن.

عەبدولمەهدی ئاماژەی بەوەدا کە لە میانی سەردانەکەیدا بۆ ریاز چەند رێککەوتنێک واژوو دەکرێن و پەیوەندییە ئابوورییەکانی نێوان هەردوو وڵات بەرەوپێش دەبرێن.

سەرۆکوەزیرانی عێراق باسی لە سەردانەکانی بۆ دەرەوەی وڵات کرد و ئاماژەی بەوەدا کە پێش مانگی رەمەزان سەردانی هەر یەک لە وڵاتانی فەڕەنسا و ئەڵمانیا دەکات.