سوپای عێراق كوژرانی دوو تیرۆریستی راگەیاند

هەولێر ــ AA

سوپای عێراق، كوژرانی دوو تیرۆریستی لە سنووری باشووری رۆژئاوای پارێزگای كەركووك باكووری عێراق، راگەیاند.

شانەی راگەیاندنی ئەمنی سەربە ئۆپەراسیۆنە هاوبەشەكانی عێراق لە راگەیەندراوێكدا بڵاوی كردەوە كە لەسەر فەرمانی فەرماندەیی ئۆپەراسیۆنە هاوبەشەكانی عێراق، فڕۆكە جەنگییەكانی هاوپەیمانی نێودەوڵەتیی دژبە داعش، ئامانجێكی تیرۆریستانی داعشیان لە ناوچەی دۆڵی چا باشووری رۆژئاوای پارێزگای كەركووك بۆردومانكردووە.

بەپێی راگەیەندراوەكە لە ئاكامی بۆردومانەكەدا، دوو تیرۆریست كوژراون و یەك حەشارگەیش خاپوور كراوە.