سوپای عێراق دەستگیرکردنی دوو تیرۆریستی راگەیاند

ھەولێر ــ AA

لە میانی ئۆپەراسیۆنێکی ھێزەکانی سوپای عێراق لە پارێزگای سەڵاحەددین باکووری ئەو وڵاتە، دوو تیرۆریست دەستگیرکران.

شانەی راگەیاندنی ئەمنی سەربە نووسینگەی سەرۆکوەزیرانی عێراق بڵاوی کردەوە کە پشت بە زانیارییە ھەواڵگرییەکان، ھێزەکانی سەربە فەرماندەیی ئۆپەراسیۆنەکانی سامەڕا لە میانی ئۆپەراسیۆنێکدا، دوو تیرۆریستیان لە ناوچەی ئەلبوتفاح سەربە قەزای بەلەد باشووری پارێزگای سەڵاحەددین، دەستگیرکردووە.

راشیگەیاندووە کە تیرۆریستە دەستگیرکراوەکان، بەپێی ماددەی چواری تیرۆر داواکراوبوون.