سلێمانی.. هونەرمەند ئاسۆ عومەر سوارە کۆچی دوایی کرد

سلێمانی - AA

ئەمڕۆ ئەکتەر و پێشکەشکار و شانۆکاری دیاری شاری سلێمانی و هەرێمی کوردستان، ئاسۆ عومەر سوارە لە تەمەنی ٥٤ ساڵیدا بە نەخۆشی کتوپڕ کۆچی دوایی کرد.

بەپێی ئەو زانیاریانەی کەسوکاری ئاسۆ باسی دەکەن، ناوبراو لەماڵەوە بە کتوپڕی باری تەندروستی تێکچووە و گەیەندراوەتە نەخۆشخانە و لەوێ کۆچی دوایی کردووە.

گومانی لێ دەکەن بەهۆی جەڵتەی دڵەوە کۆچی دوایی کردبێت.

هونەرمەند ئاسۆ عومەر هونەرمەندێکی سینەماکاری شاری سلێمانی بوو کە لە چەندین فیلم، دراما و شانۆدا رۆڵی بینیوە و یەکێک بووە لە ئەندامانی دەستەی بەڕێوەبەری فێستیڤاڵی گەلاوێژ.

ناوبراو زیاتر لە سی ساڵ لە بواری هونەری کاری کردووە، هەروەها وەکو پێشکەشکار ژمارەیەک بەرنامەی پێشکەشکردووە.