دوکان.. رووداوی وەرگەڕانی پاسێکی قوتابیان

سلێمانی ـ AA

رووداوەکە پاش نیوەڕۆی ئەمڕۆ لەسەر رێگای سەرەکی سلێمانی ـ دووکان و لە میانی گەڕانەوەی قوتابییانی پەیمانگای تەکنیکی دوکان بۆ سلێمانی روویداوە.

گوتەبێژی پۆلیسی ھاتوچۆی سلێمانی، کاروان محەمەد لەو بارەیەوە بە ئاژانسی ئانادۆڵوی راگەیاند کە لە رووداوەکەدا قوتابییەک گیانی لەدەستداوە و ١٣ی تریش بریندار بوون کە برینی یەکیان جێگای مەترسییە.

دواتر تیمەکانی فریاکەوتن گەیشتوونەتە شوێنی رووداوەکە و تەرمی کچە قوتابییەکی قوربانی رووداوەکە گواستراوەتەوە بۆ پزیشکی دادوەری سلێمانی و بریندارەکانیش رەوانەی نەخۆشخانەی فریاکەوتن کراون.

گوتەبێژەکەی ھاتوچۆ ئاماژەی کرد بەوەی کە رووداوەکە لە ئەنجامی لەدەستدانی کۆنترۆڵی پاسەکە لە لایەن شۆفێرەکە و وەرگەڕان و کەوتنەخوارەوەی بووە بۆ نزماییەکی نزیک رێگاکە.