بەهۆی کەوتنەوەی ئاگر لە پاڵاوگەی کەورگۆسک چوار کەس بوونە قوربانی

هەولێر AA

بەهۆی کەوتنەوەی ئاگر لە یەکێک لە کۆگاکانی پاڵاوگەی کەورگۆسک لە قەزای خەبات، سێ کەس لە کارمەندانی پاڵاوگەکە گیانیان لەدەستدا و کەسێکیش بە سەختی برینداربووە.

گوتەبێژی بەرگریی شارستانیی هەولێر، سەرکەوت کاڕەش لە لێدوانێکدا بە ئاژانسی ئانادۆڵوی راگەیاند "پیشنیوەڕۆی ئەمڕۆ، ئاگرێک کەوتەوە لە پاڵاوگەی کەورگۆسک لە قەزای خەبات، ئاگرەکە کۆنترۆڵکراوە و تیمەکانی بنکەی ئاگرکوژێنەوەی قەزای خەبات و کەورگۆسک لە شوێنی رووداوەکەن و ئێستا خەریکی ساردکردنەوەی ئەو خەزانانەن کە لە دەورووربەری شوێنی رووداوەکەن".

راشیگەیاند "بەداخەوە سێ کەس لە کارمەندانی پاڵاوگەکە گیانیان لەدەستداوە و کەسێکیش بریندارە و لە نەخۆشخانە چارەسەر وەردەگرێت، بەڵام تا ئێستا زانیاریمان بەدەست نەگەیشتووە قوربانییەکان خەڵکی هەرێمی کوردستانن یان بیانین".

گوتەبێژی بەرگریی شارستانیی هەولێر دەربارەی هۆکاری کەوتنەوەی ئاگرەکەش گوتی: "دەچینە شوێنی رووداوەکە و دەست بە لێکۆڵینەوە دەکەین هێشتا هیچ شتێک دیارنییە".