بەفر دەروازەی سەرزێرێی لە پارێزگای دھۆک داپۆشیووە

دهۆک - AA

بەفربارین دەروازەی سەرزێرێی لە پارێزگای دھۆک داپۆشیووە و سیمایەکی سەرنجڕاکێشی بە ناوچەکە بەخشیووە، ھەروەھا بەھۆیەوە پلەکانی گەرما بەشێوەیەکی بەرچاو دابەزیوون.

لە میانی ٢٤ کاتژمێری ڕابردوودا، شارەدێی کانی ماسێ لە سنووری قەزای ئامێدی، ٨ ملیمەتر باران و ٩ سانتیمەتر بەفربارینی لێ تۆمارکراوە بەمەش کۆی گشتی باران و بەفر بە یەکەوە بۆ ساڵەکە گەیشتووەتە ھەزار و ١٠٦ ملیمەتر.

سەرزێرێ دەکەوێتە قەزای ئامێدی لە پارێزگای دھۆک و دەروازەیەکی نێوان ھەرێمی کوردستان و وڵاتی تورکیایە.