بەغدا.. کۆنگرەی رۆژنامەوانی عادل عەبدولمەهدی

بەغدا ــ AA

سەرۆکوەزیرانی عێراق، عادل عەبدولمەھدی رایگەیاند کە پێویستیان بە چەند رێگەیەکی دیکە ھەیە بۆ ئەوەی نەوتی لێوە ھەناردە بکەن و بۆ ئەم مەبەستەش دەستیانکردووە بە ھەڵسەنگاندنی بژاردەی ھەناردەکردنی نەوت لە رێگەی بەندەرکانی ئوردن و سووریا.

عادل عەبدولمەھدی لە کۆنگرەیەکی رۆژنامەوانییدا گوتی: "لەبەر ئەوەی لەئێستادا زۆربەی ھەناردەکردنی نەوت لە رێگەی دەروازەکانی باشوورەوە ئەنجام دەدرێت، پێویستمان بە چەند رێگەیەکی دیکە ھەیە بۆ ئەوەی نەوتی لێوە ھەناردە بکەین".

سەرۆکوەزیرانی عێراق گوتیشی: "لەوچوارچێوەیەدا دەستمانکردووە بە ھەڵسەنگاندنی ئەو بژاردەیەی کە بە ئامانجی ھەناردەکردنی نەوت لە رێگەی بەندەرکانی ئوردن و سووریا خراونەتەڕوو".

بەندەری پارێزگای بەسرە تاکە دەروازەی دەریاییە کە عێراق رۆژانە نەوتی لێوە ھەناردە دەکات.