بەئامانجکردنی بارەگایەکی حەشدی شەعبی لە ناوەڕاستی عێراق

ھەولێر ـ AA

سەرچاوەیەکی ئەمنیی لە عێراق رایگەیاند کە سێ گولـلە ھاوەن ئاراستەی بارەگایەکی حەشدی شەعبی کراون لە باشووری پارێزگای بەغدا.

سەرچاوەکە بۆ میدیا عێراقییەکان ئاشکرایکردووە کە سێ گولـلە ھاوەن ئاراستەی بارەگای حەشدی شەعبی کراون لە قەزای لەتیفییە باشووری پارێزگای بەغدا.

بەگوتەی سەرچاوەکە، ھێرشەکە ھیچ زیانێکی لێ نەکەوتووەتەوە.

تا ئێستا حەشدی شەعبی، ھیچ زانیارییەکی لەوبارەیەوە بڵاونەکردووەتەوە.