بوومەلەرزەیەک بەگوڕی ٥،٥ پلە سنووری نێوان عێراق و ئێرانی ھەژاند

ھەولێر ــ AA

وەزارەتی گواستنەوەی عێراق رایگەیاند کە بوومەلەزرەیەک بەگوڕی ٥،٥ پلە لەسەر پێوەری رێختەر لە نزیک سنووری عێراق و ئێران ڕوویداوە.

وەزارەتەکە لە ڕاگەیاندراوێکدا ئاماژەی بەوەداوە کە دەستەی گشتیی کەشناسی بوومەلەرزەزانی، ڕوودانی بوومەلەرزەکی لە نزیک سنووری عێراق و ئێران تۆمارکردووە.

ڕاشیگەیاندووە کە بوومەلەرزەکە کاتژمێر ٠٧:٥١بەیانی ئەمڕۆ پێنجشەممە بە کاتی ناوخۆ تۆمارکراوە و گوڕەکەی ٥،٥ پلە بووە لەسەر پێوەری رێختەر لە نزیک سنووری عێراق و ئێران.

راشیگەیاندووە کە چەقی بوومەلەرزەکە لە ناو خاکی ئیران بووە بە دووری ١٦٣ کیلۆمەتر لە سنووری عێراق و ئێران.

‏باسی لەوەش کردووە کە بوومەلەرزەکە لەلایەن ھاووڵاتییانی ناوچەکەوە ھەستی پێکراوە.

ئەوەیش خستووەتەڕوو کە بوومەلەرزەکە ھیچ زیانێکی لێ نەکەتووەتەوە.