ئۆپەراسیۆن بۆ سەر پاشماوەکانی داعش لە زنجیرە چیاکانی حەمرین باکووری عێراق

ھەولێر ــ AA

ھێزەکانی سوپای عێراق حەشدی شەعبی ئۆپەراسیۆنێکیان بە ئامانجی راوەدوونانی تیرۆریستانی داعش لە زنجیرە چیاکانی حەمرین دەست پێ کرد.

دەستەی راگەیاندنی حەشدی شەعبی بڵاوی کردەوە کە ھێزەکانی حەشدی شەعبی و سوپای عێراق لە هەشت میحوەرەوە، ئۆپەراسیۆنێکیان لە زنجیرە چیاکانی حەمرین دەست پێ کردووە.

بەپێی رایگەیەندراوەکە لە ئۆپەراسیۆنەکەدا، پاڵپشتی ئاسمانیی لەلایەن فڕۆکە جەنگییەکانی عێراقەوە داببین کراوە.

ئەوەیش خراوەتەڕوو کە ئامانج لە ئەنجامدانی ئۆپەراسیۆنەکە، رادوونانی پاشماوەکانی رێکخراوی تیرۆریستی داعشە لە ناوچەکە.

سەرەڕای ئەوەی ھێزە عێراقییەکان داعشیان لە ناوچەکان شکست پێ ھێناوە، بەڵام شانە نووستووەکانی رێکخراوەکە تا ئێستا بەردەوامن لەسەر پەلامارەکانیان بەتایبەت لە ناوچەکانی سەربە پارێزگاکانی نەینەوا، کەرکووک، دیالە، سەڵاحەددین و ئەنبار.