شاندێکی باڵای ئەمنیی گەیشتە پارێزگای کەرکووک

ھەولێر ــ AA

شاندێکی باڵای ئەمنیی عێراقی بە سەرۆکایەتی جێگری فەرماندەی ئۆپەراسیۆنە ھاوبەشەکان، فەریقی یەکەم روکن عەبدولئەمیر شممەری بەمەبەستی ئاگاداربوون لە رەوشی ئەمنیی کەرکووک، گەیشتە پارێزگاکە.

میدیا عێراقییەکان بڵاویانکردووەتەوە کە فەریقی یەکەم روکن عەبدولئەمیر شممەری و فەرماندەی پۆلیسی فیدراڵیی، فەریق ساڵح عامری و ژمارەیەک فەرماندەی سەربازیی و ئەمنیی گەیشتوونەتە پارێزگای کەرکووک.

ئاماژەیان بەوەیشداوە کە ئامانج لە سەردانەکە، ئاگاداربوونە لە رەوشی ئەمنی پارێزگای کەرکووک و باسیان لەوەشکردووە کە شاندەکە ھێزە ئەمنییەکانی لە پارێزگاکە بەسەرکردووەتەوە.