ریال مه‌درید دێربیی مه‌دریدی برده‌وه‌

ئه‌نقه‌ره‌ - AA

له‌ لا لیگادا، یانه‌ی ریال مه‌درید 3 به‌ 1 له‌ یانه‌ی ئه‌تله‌تیكۆ مه‌دریدی برده‌وه‌.

له هه‌فته‌ی 23یه‌می دێربیی مه‌دریددا، یانه‌ی ئه‌تله‌تیكۆ مه‌درید و ریال مه‌درید كه‌ له‌ ململانێی پێشه‌نگیدان له‌ یاریگای واندا مێترۆتۆڵیتانۆی ئه‌تله‌تیكۆ به‌یه‌كگه‌یشتن.

له‌ خوله‌كی 16دا، یانه‌ی ریال مه‌درید له‌ڕێگه‌ی كارلۆس كاسیمێرۆ-وه‌ گۆڵی یه‌كه‌می تۆماركرد و یانه‌ی ئه‌تله‌تیكۆ به‌خێرایی به‌رپه‌رچی دایه‌وه‌ و توانیی له‌ خوله‌كی 25دا، له‌ڕێگه‌ی گریزمان-ه‌وه‌ ئه‌نجامه‌كه‌ هاوتا بكاته‌وه‌.

دواتر و له‌ خوله‌كی 42دا، سێرجیۆ رامۆس له‌ڕێگه‌ی لێدانی سزاوه‌ گۆڵی دووه‌می بۆ ریال مه‌درید تۆماركرد و گێمی یه‌كه‌م له‌ به‌رژه‌وه‌ندی ریال مه‌درید كۆتایی هات.

له‌ گێمی دووه‌میشدا ریال مه‌درید كۆنترۆڵی یاریگای لای خۆی هێشته‌وه‌ و توانیی له‌ خوله‌كی 74دا، له‌ڕێگه‌ی گاریس بێڵ-ه‌وه‌ گۆڵی سێیه‌م تۆماربكات و 3 به‌ یه‌ك له‌ ئه‌تله‌تیكۆی خاوه‌ن یاریگای بباته‌وه‌.

له‌ خوله‌كی 80ی یارییه‌كه‌دا، یاریزانی ئه‌تله‌تیكۆ مه‌درید تۆماس، كارتی دووه‌می زه‌ردی وه‌رگرت و یاریگای به‌جێهێشت و ئه‌تله‌تیكۆ به‌ 10 یاریزانه‌وه‌ درێژه‌ی به‌ یارییه‌كه‌دا.

به‌م ئه‌نجامه‌ ریال مه‌درید كۆی خاڵه‌كانی گه‌یانده‌ 45 خاڵ و كه‌وته‌ پێش ئه‌تله‌تیكۆ كه‌ 44 خاڵی هه‌یه‌.