ئەمجارە بارسێلۆنا نەیتوانی سەرکەوتن بەدەست بهێنێت

ئەنقەرە - AA

لەمیانی یارییەکی گەڕانەوەی قۆناغی چارەکی کۆتایی خولی یانە پاڵەوانەکاندا، یانەی بارسێلۆنای ئیسپانی، لەیاریگای خۆیدا میوانداریی یانەی یوڤێنتوسی ئیتاڵی کرد.

یوڤێنتوس توانیبووی لە یاریگای خۆیدا بە ئەنجامی ٣-٠ لە بارسێلۆنا بباتەوە.

لەتەواوی یارییەکەدا یانەی بارسێلۆنا سەرەڕای ئەوەی هەموو هەوڵی خۆی خستەگەڕ، بەڵام نەیتوانی هێڵی بەرگریی یانەی یوڤێنتوس تێپەڕێنێت.

یارییەکە بە بێ گۆڵ و بەئەنجامی ٠-٠ کۆتاییهات و بەو شێوەیەش زنجیرەی سەرکەوتنەکانی بارسا لە یاریگای خۆیدا کە بریتی بوو لە ١٥ یاریی، بەکۆتا گەیشت.

بەو جۆرەش، یانەی یوڤێنتوسی ئیتاڵی خۆی گەیاندە نیوەی کۆتایی خولی یانە پاڵەوانەکان.