کازمی سەردانی مەزاری سەرکۆماری کۆچکردووی عێراق جەلال تاڵەبانی کرد

سلێمانی - AA

سەرۆکوەزیرانی عێراق مستەفا کازمی لە درێژەی سەردانەکەیدا بۆ پارێزگای سلێمانی، سەردانی مەزاری سەرکۆماری کۆچکردووی عێراق جەلال تاڵەبانی کرد لە دەباشان.

لە دەباشان هەریەکە لە هاوسەرۆکانی یەکێتی نیشتمانی کوردستان، بافڵ تاڵەبانی و لاهوور شێخ جەنگی و ژمارەیەک لە ئەندامانی مەکتەبی سیاسی ئەو حزبە لە پێشوازی سەرۆکوەزیرانی عێراق مستەفا کازمی و شاندی یاوەری بوون.

سەرۆکوەزیرانی عێراق لەسەر مەزاری مام جەلال تاجە گوڵێنەی رێزلێنانی دا و سورەتی فاتیحەی خوێندەوە.

دواتر سەرۆکوەزیران یادداشتێکی لەسەر دەفتەری بیرەوەرییەکانی سەر مەزارەکەی نووسی و بە یاوەری هاوسەرۆکانی یەکێتی نیشتمانی کوردستان مەزارەکەی بەجێهێشت.