"پەیەدە لەماوەی سێ رۆژدا ٢٣ نووسینگەی ئەنەکەسەی داخستووە"

ھەولێر-AA

بەرپرسی نووسینگەی ئەنەکەسە لە ھەرێمی کوردستان، خالید عەلی رایگەیاند، پەیەدە بەردەوامە لە کارە قیزەوەنەکانی و لە ماوەی سێ رۆژدا، ٢٣ نووسینگەی ئێمەی داخستووە.

لە لێدوانێکدا بۆ ئاژانسی ئانادۆڵو، خالید عەلی گوتی: "لە ماوەی سێ رۆژی رابردوودا، پەیەدە ٢٣ ئوفیس و بارەگای ئێمەیان داخستووە و بەشەکیشی سووتاندووە".

بەرپرسی نووسینگەی ئەنەکەسە لە ھەرێمی کوردستان، خالید عەلی گوتیشی: "ئەو نووسینگانە لە شارەکانی قامیشلۆ و عامۆدا و گرکێلەکێ و حەسەکە و دێرک و کۆبانێ داخران سەربە ئەنەکەسەن کە ئەمانەن:

لە قامیشلۆ:

١: نووسینگەی پارتی دیمو‌کراتی کوردستانی عێراق PDK داخرا.

٢: نووسینگەی پارتی دیمو‌کراتی کوردستان-سووریا PDK-S رۆژھەڵات و رۆژئاوا داخرا.

٣: نووسینگەی ئەنەکەسە لە رۆژھەڵات کەلوپەلەکانی سووتێنرا.

٤: نووسینگەی یەکێتیی قوتابیان و لاوانی دیموکراتی کوردستانی رۆژئاوا (رۆژھەڵاتی قامیشلۆ) داخرا.

٥: نووسینگەی یەکێتیی (رۆژھەڵات و رۆژئاوا) کەلوپەلەکانی تاڵان کرا و داخرا".

گوتیشی لە عامودایش بەم شێوەیە:

١: نووسینگەی پارتی دیمو‌کراتی کوردستانی-سووریا PDK-S داخرا.

٢: بارەگای نووسینگەی ئەنەکەسە داخرا.

٣: نووسینگەی یەکێتیی قوتابیانی دیموکراتی کوردستانی رۆژئاوا داخرا.

٤: نووسینگەی حزبی یەکێتیی داخرا.

سەبارەت بەشاری حەسەکەش بەرپرسی نووسینگەی ئەنەکەسە لە ھەرێمی کوردستان گوتی:

١: نووسینگەی رۆژئاوای پارتی دیموکراتی کوردستانی-سووریا داخرا.

٢: نووسینگەی پارتی دیموکراتی کوردستانی-سووریا لە گەڕەکی کلاسە (ئاڵای کوردستان سووتێنرا و تەقە لە نووسینگەکە کراوە).

٣: نووسینگەی ئەنەکەسەی خۆجێی رۆژھەڵات داخرا.

٤: نووسینگەی حزبی یەکێتی داخرا.

لەبارەی نووسینگەکانی ئەنەکەسە لە گرکێلەکێ گوتی: "نووسینگەی ئەنەکەسە تەقێنرایەوە و کەلوپەلەکانی نێوی سووتێندرا".

بەرپرسی نووسینگەی ئەنەکەسە لە ھەرێمی کوردستان سەبارەت بەدێرکیش گوتی:

١: نووسنگەی پارتی دیموکراتی کوردستانی-سووریا داخرا.

٢: نووسینگەی ئەنەکەسە سووتێنرا و زیانێکی زۆری ماددیی پێگەیشتووە.

٣: نووسینگەی سکرتاریەتی یەکێتیی قوتابیان و لاوانی دیموکراتی رۆژئاوا داخرا.

٤: نووسینگەی بزووتنەوەی گەنجانی کورد داخرا.

٥: نووسینگەی یەکێتیی ئافرەتانی کوردستان داخرا.

٦: پەیمانگای بەدرخان داخرا.

٧: نووسینگەی بارزانیی نەمر سەربە پەیمانگا داخرا.

٨: نووسینگەی یەکێتی داخرا.

بەرپرسی نووسینگەی ئەنەکەسە لە ھەرێمی کوردستان، سەبارەت بەکۆبانێیش گوتی: "نووسینگەی ئەنەکەسە داخرا و ھەڕەشەی سووتاندنی کراوە".