وەزیری دادی ئەمریکا بەردەوام دەبێت لە کارەکەی

واشنتۆن - AA

دوای ئەوەی سەرۆکی ئەمریکا، دۆناڵد ترەمپ رەخنەی لە وەزیری دادی حکوومەتەکەی گرت، بەهۆی کشانەوەی لە لێپیچینەوەکانی تایبەت بە دۆسیەی رووسیا،جیف سیزنس رایگەیاند تاکو هەلومەرج گونجاوبێت بەردەوام دەبێت لە کارەکانی.

سیزنس لە کۆنگرەیەکی رۆژنامەوانییدا وەڵامی لێدوانەکانی ترەمپی دایەوە کە بەرامبەری کردبووی، لەکاتێکدا گوتبووی، ئەگەر بمزانیبایە دەکشێتەوە لەبەرامبەر دۆسیەی لێکۆڵینەوەی رووسیا، ئەوا نەمدەکرد بە وەزیر، گوتی"لەم قۆناغی ئێستادا بیر لە دەستلەکارکێشانەوە ناکەمەوە".

سیزنس گوتی: "ئەم کارە و وەزارەتمان خۆش دەوێت. تاکو هەلومەرجەکان گونجاو بن پلانم هەیە بەردەوام بم لە ئەرکەکەم. دڵنیام لەوەی بە کاریگەرترین شێوە بەردەوامی بە ئەرکەکەم دەدەم".