hemn husain
12 مای,س 2016•نوێکردنەوە: 13 مای,س 2016
لە هەواڵێکی ماڵپەڕی سەرۆکایەتی حکوومەتی هەرێمی کوردستاندا هاتووە، نێچیرڤان بارزانی ساڵڤهگهڕا دامهزراندنا بنگههێ لالش پیرۆز دكهت.
لە راگەیاندراوەکەدا هاتووە: "ب هـەلكەفتا بیرەوەریا بوورینا ٢٣ ساڵان ژ خەبات و خزمەتا بنگەهێ لالش و ڤێخستنا شەمالكا ٢٤ ساڵیێ، گەرمترین پیرۆزباهیێ ئاراستەی تەڤایا بنگەهـ و نڤیسگەهـ و ئەندام و كادرێن وە و كوردێن ئیزدی ب گشتی دكهین.
بنگەهێ لالش دەستكەفتەكێ گرنگێ بزاڤا ڕزگاریخوازا كوردستانێیە كو ساڵا ١٩٩٣ێ لژێر دروشمێ (لالش كانیەكا زەلالە دهورتە د ڕووبارێ ڕەوشەنبیریا كوردیدا) ئاڤا بوو. دگهل ههمی ئالۆزی و ئاستەنگێن دكەتنە پێشیا ڤی بنگەهێدا، لێ ب هـەولدان و ماندیبوونا ڕەوشەنبیر و ئەكادیمی و خەمخۆرێن كولتوور و جڤاكا ئێزدییان، بنگەهێ لالش خوە ڕاگرت، بەردەوام پێشكهت و وهكی دەزگایەكێ نەتەوهیی، ئاینی، ڕەوشەنبیری و جڤاكی دناڤا سازی یێن هـەرێما كوردستانێدا، جهـەكێ هێژا گرت".
لە بەشێکی دیکەی راگەیانراوەکەدا هاتووە: "حكوومەتا هەرێما كوردستانێ ب ئەركێ خوە زانیە كو پشتەڤانییا كار و خەباتا بنگههێ لالش بكهت داكو بكاریت باشتر خزمەتا تایبەتمەندییا ئێزدییان بكهن. جینۆسایدا دەڤەرا شنگالێ و ئهو زوڵم و ستەم ژی یاكو تیرۆرستێن داعش ل ئێزدییان كری، مە هان ددەت كو زێدەتر خزمەتا جڤاك و سازیێن ئیزدیان بكەین داكو ب باشترین شێوە و ب ئارامی ل سەر ئاخا خوە و نێزیكی پەرستگەهـ و پیرۆزییێن خوە ل كوردستانێ، ژیان و كار و خەباتێن خوە بدۆمینن".
لە کۆتاییشدا سەرۆکی حکوومەتی هەرێمی کوردستان دەڵێت: "دیسان وە پشتڕاست دكەین كو هـەولدانێن مە دبەردەوامن ژبۆ كەیسا بجینۆسایدناساندنا كارەساتا شنگالێ لسهر ئاستا نێڤدهولهتی، ههروهسا ڕۆلێ بنگەهێ لالش پشتی ڕوودانا كارەساتێ ژبۆ خزمەتكرنا لێقەومییان و هـەلوێستا وی یا بەڕەڤانیكرنێ ژ ئاخ و ئایین و جڤاكا كوردێن ئیزدی، ب ڕێز و بلند دنرخینین، دوبارە ساڵڤهگهڕا دامەزراندنا بنگەهێ لالش پیرۆز دكەین و هیڤیا بەردەوامی و پیشڤەچوونێ بۆ كار و خەباتا وە دخوازین".
