نێچیرڤان بارزانی بۆ مهسرور بارزانی: "پشتیوانی و هاوكاری كابینهكهتانم"
- سهرۆكی ههرێمی كوردستان، نێچیرڤان بارزانی پهیامێكی پیرۆزبایی ئاراستهی سەرۆکی كابینەی نۆیەمی حكوومەتی هەرێمی كوردستان، مهسرور بارزانی كرد.
Arbil
سهرۆكی ههرێمی كوردستان، نێچیرڤان بارزانی بهبۆنهی متمانه بهخشینی پهرلهمان به خۆی و كابینهكهی ئهمڕۆ چوارشهممه پیرۆزبایی له سهرۆكی كابینهی نۆیهمی حكوومهتی ههرێمی کوردستان، مهسرور بارزانی كرد كه ئهمهی خوارهوه دەقەکەیەتی:
بهڕێز مهسروور بارزانى، سەرۆك وەزیرانی هەرێمی كوردستان
سڵاو و ڕێز..
خۆشحاڵم كە ئەمڕۆ پەرلەمانی هەرێمی كوردستان متمانهى دا به بهڕێزتان وەك سەرۆك وەزیران و به كابینەی نۆیەمى حكوومهتى ههرێمى كوردستان. بەو بۆنەیەوە بەگەرمی پیرۆزییتان لێدەكەم.
ئەمە دەستكەوتێكی دیكەی بەردەوامبوونی پرۆسەی گەشەپێدان و قووڵكردنەوەی دیموكراسییە لە هەرێمی كوردستان، لە ئەنجامی ویست و خۆڕاگری و هاوكاریی هاووڵاتیان و لایهنه كوردستانییهكان و دۆست و پشتیوانانی گەلەكەمان.
ئێوە شایستەی ئەم بەرپرسیاریهتی و متمانەیەن، دڵنیام ئەوپەڕی توانای خۆتان و تیمەكەتان دەخەنەگەڕ بۆ خزمەتكردنی هەرێمی كوردستان. ئەزموونی چەند ساڵەی كاركردنمان بۆ پاراستن و پێشخستنی دۆزی گەلەكەمان و پیادەكردنی مافە دەستوورییەكانی هەرێمی كوردستان، بە زۆر قۆناغی هەستیار و سەختدا تێپەڕی، هیوادارم ئەو سەختیانە نەبینینەوە و هەموو تواناكان بۆ ئاوەدانكردنەوە و پێشكەوتنی زیاتری كوردستان تەرخان بكەین.
دڵنیام ئێوە لێهاتووانە، چالاك و كارا بەسەر گرفتەكاندا زاڵ دەبن، ورەی تیمەكەتان بەرامبەر تەحەددییەكان بەرز دەكەنەوە و ئەنجامی باش و خوازراو بەدەستدەهێنن. هیچتان درێخی ناكەن لە ئەرك و جێبەجێكردنی كاری ڕۆژانە و درێژخایەن بۆ درێژەدان بە دابینكردنی ئارامی، ئاسایش، گەشەی ئابووری، كۆمەڵایەتی و سیاسیی هەرێمی كوردستان.
گەلی كوردستان و بەڕێزتان و كابینەی نۆیەمی حكوومەتی هەرێمی كوردستان دڵنیا دەكەمهوه كە وەك سەرۆكی هەرێمی كوردستان بەوپەڕی تواناوە پشتیوانی و هاوكاریی سەركەوتنی كاری ئێوە و كابینەی نۆیەمی حكوومەت دەكەم.
سەركەوتنی ئێوە و جێگری سەرۆك وەزیران و تەواوی وەزیرەكان بۆ خزمەتكردنی هەرێمی كوردستان، سەركەوتنی هەموومان و سەركەوتنی گەل و هەرێمی كوردستانە.
لەگەڵ ڕێزمدا..
نێچیرڤان بارزانی
سەرۆكی هەرێمی كوردستان
10/7/2019 بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن