نێچیرڤان بارزانی: "بوشی باوك خه‌ڵكی كوردستانی له‌ سته‌مكارییه‌كانی به‌عس پاراست"

هه‌ولێر - AA
سه‌رۆكوه‌زیرانى هه‌رێمى كوردستان، نێچیرڤان بارزانى رایگەیاند "سه‌رۆك بوشى باوك بۆ هه‌میشه‌ به ‌زیندوویى له‌ یاده‌وه‌ریى گه‌لى كوردستاندا ده‌مێنێته‌وه‌"
بۆ كۆچى دوایی سه‌رۆكى پێشووترى ویلایه‌ته‌ یه‌كگرتووه‌كانی ئه‌مه‌ریكا، جۆرج بوشى باوكه‌وه‌ سه‌رۆكوه‌زیرانى هه‌رێمى كوردستان، نێچیرڤان بارزانى پرسه‌نامه‌یه‌كى ئاراسته‌ى خانه‌واده‌كه‌یان و بوشى سه‌رۆكى پێشووترى ئه‌مه‌ریكا، جۆرج ده‌بلیوو كرد.
ده‌قی پرسنه‌كامه‌كه‌ی سه‌رۆكوه‌زیرانى هه‌رێمى كوردستان، نێچیرڤان بارزانى:

به‌بۆنه‌ى كۆچى دواییى سه‌رۆكى پێشووترى ئه‌مه‌ریكا جۆرج بوشى باوكه‌وه‌، پرسه‌ و سه‌ره‌خۆشى له‌ خانه‌واده‌ى به‌ڕێزیان و به‌تایبه‌تى سه‌رۆكى پێشووترى ئه‌مه‌ریكا به‌ڕێز جۆرج ده‌بلیوو بوش و دۆست و هاوڕێیانى ده‌كه‌م. له‌م كاته‌ سه‌ختانه‌دا هاوسۆز و هاوخه‌میانم، خواى گه‌وره‌ دڵنه‌وایى و سه‌بووریى هه‌مووان بداته‌وه‌.

گه‌لى كوردستان ڕێز و پێزانینێكى زۆرى بۆ ڕۆڵى سه‌رۆك بوشى باوك هه‌یه‌ كه‌ ساڵى 1991 ڕۆڵى سه‌ره‌كى له‌ سه‌پاندنى ناو‌چه‌ى دژه‌فرین له‌ هه‌رێمى كوردستان بینى و خه‌ڵكى كوردستانى له‌ سته‌م و دوژمنكارییه‌كانى ڕژێمى به‌عس پاراست و بووه‌ هۆى بووژانه‌وه‌ى هه‌رێمى كوردستان. سه‌رۆك بوشى باوك بۆ هه‌میشه‌ به ‌زیندوویى له‌ یاده‌وه‌ریى گه‌لى كوردستاندا ده‌مێنێته‌وه‌.
نێچیرڤان بارزانى
سه‌رۆك وه‌زیرانى هه‌رێمى كوردستان
2ى دیسه‌مبه‌رى 2018