مەسعود بارزانی پێشوازی لە کۆنسولی ژاپۆن لە هەولێر دەکات

ھەولێر - AA

سەرۆکی پێشووی ھەرێمی کوردستان، مەسعود بارزانی پێشوازی لە کۆنسولی ژاپۆن لە ھەولێر، ئاراکاوا میکیھیرۆ کرد.

بارەگای بارزانی بڵاویکردەوە کە لە دیدارەکەدا، کۆنسولی ژاپۆن لە ھەولێر وێڕای خۆناساندنی بە مەسعود بارزانی وەک کۆنسولی ژاپۆن لە ھەولێر، ویستی وڵاتەکەی بۆ پەرەپێدانی پەیوەندییەکانی نێوان ژاپۆن و ھەرێمی کوردستان لە بوارە جیاجیاکاندا خستەڕوو.

سەرۆکی پێشووی ھەرێمی کوردستان ھیوای سەرکەوتنی بۆ کۆنسولی ژاپۆن لە ھەولێر خواست و پێشوازیشی لە فراوانبوونی پەیوەندی نێوان ھەرێمی کوردستان و ژاپۆن کرد.

بارودۆخی سیاسیی عێراق و ھەڕەشە و تەحەدییاتی بەردەم عێراق و ھەرێمی کوردستان تەوەرێکی تری ئە دیدارەکە بوو.