مەسعود بارزانی: "رێز لە بڕیارەکەی موقتەدا سەدر دەگرین"

ھەولێر ــ AA

سەرۆکی پارتی دیموکراتی کوردستان، مەسعود بارزانی یەکەم کاردانەوەی لەبارەی کشانەوەی پەرلەمانتارانی فراکسیۆنی رەوتی سەدر لە ئەنجوومەنی نوێنەرانی عێراق دەربڕی و رایگەیاند کە چاودێری پێشھاتەکانی داھاتوو دەکەن.

مەسعود بارزانی لە تویتێکدا لەبارەی کشانەوەی پەرلەمانتارانی فراکسیۆنی رەوتی سەدر لە ئەنجوومەنی نوێنەرانی عێراق نووسیوویەتی: "رێز لە بڕیارەکەی موقتەدا سەدر دەگرین و چاودێری پێشھاتەکانی داھاتوو دەکەین".

دوێنێ یەکشەممە ئەندامانی فراکسیۆنی سەدر لە ئەنجوومەنی نوێنەران لەسەر داوای سەرۆکی رەوتەکەیان موقتەدا سەدر دەستیان لەکار کێشایەوە.