میری قه‌ته‌ر گه‌یشته‌ ترابزۆن

ترابزۆن - AA

سه‌ركۆماری توركیا، ره‌جه‌ب ته‌یب ئه‌ردۆغان پێشوازیی له‌ میری قه‌ته‌ر، شێخ ته‌میم بن حه‌مه‌د ئال سانی كرد.

ئه‌ردۆغان له‌ فڕۆكه‌خانه‌ی ترابزۆن پێشوازیی له‌ میری قه‌ته‌ر كرد كه‌ به‌مه‌به‌ستی كۆبوونه‌وه‌ی دوو قۆڵی و كۆبوونه‌وه‌ی كۆمیته‌ی ستراتیجی باڵای توركیا - قه‌ته‌ر سه‌ردانی توركیای كردووه‌.

ئه‌ردۆغان و شێخ ته‌میم وێنه‌یان له‌گه‌ڵ منداڵاندا گرت كه‌ بۆ پێشوازییان هاتبوون و دواتر به‌ هه‌لیكۆپته‌ر به‌سه‌ر شاره‌كه‌دا سووڕانه‌وه‌.

دواتریش ئه‌ردۆغان و شێخ ته‌میم به‌ره‌و ئه‌و میوانخانه‌یه‌ به‌ڕێكه‌وتن كه‌ كۆبوونه‌وه‌كه‌ی تێدا به‌ڕێوه‌ده‌چێت.