Sarmand Hameed
25 شوبات 2021•نوێکردنەوە: 26 شوبات 2021
هەولێر - AA
سەرۆکی ئەنجوومەنی نوێنەرانی عێراق، محەمەد حەلبوسی پێشوازی لە شاندێکی پارتی دیموکراتی کوردستان بە سەرۆکایەتی ئەندامی مەکتەبی سیاسی ئەو حزبە، هۆشیار زێباری کرد.
بە گوێرەی ئەو راگەیاندراوەی کە لە نووسینگەی راگەیاندنی سەرۆکی ئەنجوومەنی نوێنەرانی عێراق بڵاوکراوەتەوە، لە میانی کۆبوونەوەکەدا، تاوتوێی پرسی بوودجەی گشتی فیدڕالی بۆ ساڵی دارایی ٢٠٢١ کراوە و لەمبارەیەوە جەخت لە گرنگی بەردەوامی گفتوگۆکانی نێوان هەولێر و بەغدا کراوتەوە لەپێناو پەلەکردن لە یەکلاییکردنەوەی ئەو پرسە بەجۆرێک کە دادپەروەری کۆمەڵایەتی لەسەر بنەمای دەستوور دەستەبەر بکات.
بە پێی راگەیاندراوەکە کە کۆپییەکی گەیشتووەتە ئاژانسی ئانادۆڵو، لە بەشێکی دیکەی کۆبوونەوەکەدا باس لە ئامادەکارییەکان بۆ ئەنجامدانی هەڵبژاردنی پێشوەختەی ئەنجوومەنی نوێنەران کراوە کە بڕیارە لە ١٠ی تشرینی یەکەمی داهاتوو ئەنجام بدرێت.
