كەركووك.. پێكهێنانی دەستەیەكی نوێی سیاسی بۆ عەرەبی شیعە

هەولێر ــ AA

لە پارێزگای كەركووك باكووری عێراق، پێكهێنانی دەستەیەكی نوێی سیاسی بۆ عەرەبی شیعە راگەیەندرا.

میدیاكانی خۆجێی بڵاویان كردەوە كە لە پارێزگای كەركووك، دەستەیەكی نوێ بە ناوی (دەستەی هەماهەنگیی عەرەبی) وەك نوێنەری پێكهاتەی عەرەبی شیعە لە پارێزگاكە پێكهێنراوە و ئاماژەیان بەوەیشداوە، كە ئەو دەستەیە نوێیە، سەرپشككراوە لەوەی سەبارەت بە دابەشكردنی دەسەڵاتەكان لە پارێزگاكە و جێبەجێكردنی داواكارییەكانیان بەپێی یاسا و دەستوور لەگەڵ لایەنە پەیوەندارەكان، دانوستان ساز بكات.

هاوكات ئەندام لە دەستەی هەماهەنگیی عەرەبی، محەمەد ئەللامی لە كۆنگرەیەكی رۆژنامەوانییدا داوای لە سەرجەم پێكهاتەكان لە پارێزگای كەركووك و هێزە سیاسییەكان كرد كە یەكریزبن و ناكۆكییەكانیان وەلانێنن و بەشداری لە پرۆسەی دیموكراتییدا بكەن.

راشیگەیاند كە دەستەی هەماهەنگیی عەرەبی لەگەڵ هەر پڕۆژیەكی نیشتمانییدا دەبێت ئەگەر بۆ پێشخستنی پڕۆسەی سیاسی و چارەسەركردنی قەیرانەكان لە كەركووك بخرێتەڕوو و گوتی: "دەستەی هەماهەنگیی عەرەبی لەگەڵ هەر هەولێكی نیشتمانیی دایە، ئەگەر بۆ سەقامگیریی و كردنەوەی لاپەڕەیەكی نوێ لە پارێزگای كەركووك بخرێتەگەڕ كە ناونیشانەكەی خۆشەویشتی و پێكەوەژیان بێت".