فاتح یڵدز: "ئامادەین بۆ ھەماھەنگیکردن لەگەڵ عێراق بۆ بەرەنگاربوونەوەی تیرۆر لە شنگال"

ھەولێر - AA

باڵیۆزی تورکیا لە بەغدا، فاتح یڵدز لەبارەی رێککەوتنی نێوان حکوومەتی ھەرێمی کوردستان و عێراق لەبارەی شنگال رایگەیاند کە ئەوان ھیوا دەخوزان بەھۆی ئەم رێککەوتنەوە رەگ و ریشەی رێکخراوە تیرۆریستییەکانی وەک داعش، پەکەکە و درێژکراوەکانی دەربھێنرێت و سەقامگیری و ئاسایش لەناوچەکەدا دەستەبەر بکرێت.

فاتح یڵدز لە ھەژماری تایبەتی خۆی لە تۆڕی کۆمەڵایەتی تویتەر، پەیامێکی لەبارەی رێککەوتنەکەی نێوان بەغدا و ھەرێم لەسەر پرسی شنگال بڵاوکرەوە.

Irak Merkezi Hükümeti (IMH) ile IKBY arasında Sincar’da güvenlik ve idare konularında dün (9 Ekim) bir anlaşma imzalandığı duyuruldu.

Bakanlığımızca bugün yapılan bir açıklamayla anlaşma bağlamında aşağıdaki hususların altını çizdik:

— Fatih YILDIZ / فاتح (@FATIHYILDIZ_MFA) October 10, 2020

فاتح یڵدز رایگەیاند کە بەپێی ئەو راگەیەندراوەی لە وەزارەتی دەرەوەی تورکیا بڵاوکراوەتەوە، جەخت لەسەر چەند خاڵێکی گرنگ لەبارەی ئەو رێککەوتنە دەکەنەوە.

فاتح یڵدز نووسیوویەتی: "ھیواخوازین بەم رێککەوتنە دووبارە دەسەڵاتی فیدرالی عێراق لە شنگال جێگیر بگرێت و رەگ و ریشەی رێکخراوە تیرۆریستییەکانی وەک داعش، پەکەکە و درێژکراوەکانی لە ناوچەکەدا دەربھێنرێت".

فاتح یڵدز ھیوای ئەوەیشی خواستووە کە ئاسانکاری بکرێت لە گەڕاندنەوەی ئێزدییەکان و خەڵکی ناوچەکە بۆ سەر ماڵ و خاکی خۆیان کە رووبەڕووی ستەم و گوشاری زۆر بوونەتەوە.

باڵیۆزی تورکیا لە بەغدا، فاتح یڵدز راشیگەیاند کە ئەوان ئامادەی ھەماھەنگیکردنن لەگەڵ بەرپرسانی عێراقی لە بەرەنگاربوونەوەی تیرۆر و دەستەبەرکردنی سەقامگیری لە شنگال و ناوچەکەکانی دیکەی عێراق کە رێکخراوی تیرۆریستی تیایدا سەریھەڵداوە.

دوێنی ھەینی، بە ئامادەبوونی سەرۆکوەزیرانی عێراق، مستەفا کازمی و نوێنەری تایبەتی نەتەوەیەکگرتووەکان بۆ عێراق، جینین ھێنیس پلاستخارت، رێککەوتنی ئاساییکردنەوەی باردۆخی شنگال و گەڕاندنەوەی سەقامگیری بۆ شارەکە لە نێوان حکوومەتی فیدڕالی و حکوومەتی ھەرێمی کوردستان واژووکرا.