شاندی ئەمریکا لەگەڵ سەرۆکی فەڵەستین کۆبووەوە

رامەڵڵا - AA

سەرۆکی فەڵەستین، مەحمود عەباس لە شاری رامەڵڵا پێشوازی کرد لە شاندێکی ئەمریکا بە سەرۆکایەتی گەورە راوێژکار و زاوای دۆناڵد تره‌مپ سەرۆکی ئەمریکا، جارد کوشنەر.

ئاژانسی WAFAی فەرمی فەڵەستین بڵاوی کردەوە کە مەحمود عەباس لە کۆبوونەوەکەدا رایگەیاند: "بە ستایشەوە پێشوازی لە ھەوڵەکانی سەرۆکی ئەمریکا دۆناڵد ترەمپ دەکەین لەمەڕ گوتەکانی بۆ ئەنجامدانی رێککەوتنێکی مێژوویی بۆ ئاشتی. سەرۆکی ئەمریکا ئەم بەڵێنەی لە دیدارەکانمان لە واشنتۆن، ریاز و بەیت لەحم دووبارە کردەوە".

شاندەکەی ئەمریکا ئەمڕۆ لەگەڵ سەرۆکوەزیرانی ئیسرائیل بنیامین ناتانیاھو کۆببووەوە.

شاندەکە بە مەبەستی دووبارە دەستپێکردنی کۆبوونەوەکانی ئاشتی نێوان فەڵەستین و ئیسرائیل، لە ماوەی دوو رۆژدا سەردانی وڵاتانی سعوودیە، قەتەر، ئوردن و میسریان کرد.