سەرۆکی هەرێمی کوردستان سەردانی یەکگرتووی ئیسلامی کرد

هەولێر - AA

سەرۆکی هەرێمی کوردستان، نێچیرڤان بارزانی سەردانی یەکگرتووی ئیسلامی کرد و لە لایەن ئەمینداری گشتی یەکگرتووی ئیسلامی کوردستان، سەڵاحەددین محەمەد بەهائەددین پێشوازی لێکرا.

هەفتەی رابردوو نێچیرڤان بارزانی سەردانی هەریەکە لە بزووتنەوەی گۆڕان، یەکێتیی نیشتمانیی کوردستان و کۆمەڵی ئیسلامی کرد.

پرسی دەستووری هەرێمی کوردستان، دۆخی عێراق و پەیوەندییەکانی هەرێمی کوردستان بە تایبەت یەکخستنی هەڵوێستی لایەنە کوردستانییەکان لە بەغدا، تەوەری سەرەکی ئەم کۆبوونەوانەن.

شاندەکەی یاوەری سەرۆکی هەرێمی کوردستان پێکدێت لە هەر دوو جێگرەکەی، جەعفەر شێخ مستەفا و مستەفای سەید قادر و راوێژکارانی سەرۆکی هەرێمی کوردستان، دڵشاد شەهاب و نەوزاد هادی.