Arbil
هەولێر - AA
سەرکۆماری عێراق، بەرھەم ساڵح لە کۆشکی سەلام لە بەغدا پێشوازیی لە شاندێکی دەستەی سیاسی رەوتی سەدری بەسەرۆکایەتی سەرۆکی دەستەی سیاسی، نەسار روبەیعی کرد.
نووسینگەی راگەیاندنی سەرۆکایەتی کۆماری عێراق راگەیەنراوێکی بڵاوکردەوە و تیایدا ئاماژە بەوە دراوە کە لە میانی دیدارەکەدا دوایین گۆرانکارییە سیاسیی و ئەمنیی و ئابوورییەکان لە وڵات گفتوگۆی لەبارەوەکرا، ھاوکات جەختکرایەوە لە گرنگی ئەنجامدانی ھەڵبژاردنەکانی ئەنجوومەنی نوێنەرانی داھاتوو و پێویستی بەدیھێنانی پێودانگی پاکی و شەفافییەت و رێگریکردن لە ساختەکاری و فرتوفێڵ و گێڕانەوەی متمانەی دەنگدەران بە پرۆسەی ھەڵبژاردنەکان، بەجۆرێک ببێتە مایەی دەربڕینی ویستی راستەقینەی خەڵک لە ھەڵبژاردنی نوێنەرەکانیاندا.
ھەر لەو دیدارەدا جەختکرایەوە لە گرنگی پارستنی ئاسایش و سەلامەتی ھاووڵاتییان و پتەوکردنی مەرجەعییەتی دەوڵەت و پشتیوانیکردنی دەزگا ئەمنییەکان و سەپاندنی یاسا و پارێزگاریکردن لە ئاسایش و ئاشتی کۆمەڵایەتی و دابینکردنی پێداویستی ھاووڵاتیان.
لە دیدارەکەدا گفتوگۆ سەبارەت بە دۆخی ئابووری وڵات و ئەو ھەوڵانەی پێویستە بنرێت بۆ پاڵپشتی لە ئابووری نیشتمانیی و ریشەکێشکردنی گەندەڵی و ھەمە جۆرکردنی سەرچاوەی داھاتی دەوڵەت، لە پێناو بەرەنگاربوونەوەی قەیرانی ئابووری کە بەھۆی پەتای کۆرۆنا و دابەزینی نرخی نەوت ھاتووەتە ئاراوە.
بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن