ھەولێر - AA

یەکێتیی جیھانی زانایانی موسڵمان داوای لە ھەموو موسڵمانانی جیھان کرد کە ڕۆژی پێنجشەممە ٢٨ی ئاب بەڕۆژووبن وەک ھاوسۆزییەک بۆ غەززە کە بەشێوەیەکی ترسناک برسییکراون و ڕووبەڕووی کوشتن دەکرێنەوە.

لە پەراوێزی کۆنفڕانسی غەززە کە لە ئیستانبوڵ بەڕێوەچوو، سەرۆکی یەکێتیی جیھانی زانایانی موسڵمان، عەلی قەرەداغی لە لێدوانێکیدا بۆ ئاژانسی ئانادۆڵو داوای لە موسڵمانان کرد کە ڕۆژی پێنجشەممە بەڕۆژووبن وەک ھاوسۆزییەک بۆ موسڵمانانی غەززە.

قەرەداغی ڕاشیگەیاند کە بەو پێیەی ڕۆژووگرتن لە پێنجشەممەدا سوونەتە، بۆیە داوا دەکەم ژن و پیاوی موسڵمان لەم ڕۆژەدا بەڕۆژووبن وەک ھاودەنگییەک لەگەڵ برا تینوو و برسییەکانمان لە غەززە.

قەرەداغی ئاماژەی بەوەشداوە کە بەشداربووان لە کۆنفرانسەکەی "دوورگەی دیموکراتی و ئازادی" بەناونیشانی (غەززە بەرپرسیارییەتی ئیسلامیی و مرۆیی)، ھەروەھا ئەندامانی فیدڕاسیۆنی جیھانی، وەک جۆرێک لە عیبادەتکردن، دەست بە ڕۆژووگرتن دەکەن.

لە درێژەی قسەكانيدا، سەرۆکی یەکێتیی جیھانی زانایانی موسڵمان، عەلی قەرەداغی ئەوەیشی خستووەتەڕوو کە پەیامەکە بۆ ڕۆژی پێننجشەممە ئەوەیە کە ئەوان وەک موسڵمانان ئامادەن لە ڕێگای بریستییەتی و تێنوویەتییەوە ھاوشان و ھاودەنگی خەڵکی غەززە بوەستن.

قەرەداغی ڕاشیگەیاندووە: "ئەگەر ڕێگامان پێدرابووایە بچینە ناو غەززە، دەچووین، بەڵام بەداخەوە غەززە گەمارۆ دراوە".

عەلی قەرەداغی ڕوونیشیکردووەتەوە کە دەیویست سەردانی غەززە بکات بەر لە داگیرکردنی شاری رەفەح لەلایەن ئیسرائیلەوە لە ئایاری ٢٠٢٤، بەڵام ھەندێک وڵاتی عەرەبی (ناوی نەھێناوە) ڕێگای پێنەدراوە بچێتە غەززە.

کۆنفرانسی غەززە کە لەلایەن یەکێتیی جیھانی زانایانی موسڵمان و دامەزراوەی زانایانی ئیسلامی تورکیاوە ڕێکخرابوو، ڕۆژی ھەینی دەستیپێکرد و تا ٢٩ی ئاب بەردەوام دەبێت، پاشان بە خوێندنەوەی بەیاننامەی کۆتایی و لە دوای نوێژی ھەینی لە مزگەوتی ئایاسۆفیا، کۆنفڕانسەکە کۆتایی دێت.