کۆبوونەوەی باراک ئۆباما و رائول کاسترۆ

سەرۆكی ئەمریكا باراك ئۆباما و سەرۆكی كوبا رائول كاسترۆ رایانگەیاند كە سەرەڕای بۆچوونی جیاوازی ئەمریكا و كوبا لەبارەی مافەكانی مرۆڤ و بابەتی دیموكراسی بەڵام ھەوڵی ئاساییكردنەوەی پەیوەندییەكانیان دەدەن.

ئۆباما و كاسترۆ لە دوای كۆبوونەوەیان لە شاری ھاڤانا، كۆنگرەیەكی رۆژنامەوانی ھاوبەشیان رێكخست.

ئۆباما رایگەیاند كە ئەو بەردەوام دەبێت لە پاراستنی مافەكانی مرۆڤ لە وڵاتەكەی و لە چوارچێوەی دووبارە بنیاتنانەوەی پەیوەندییەكانی كوبا و ئەمریكا ئەم سەردانەی ئەنجام داوە.

لەلایەن خۆیەوە رائول كاسترۆ بەرگری لەوە كرد كە پێشێڵكاری مافەكانی مرۆڤ لە ئەمریكا بەردەوامە و ھەروەھا ھیچ وڵاتێكی جیھانیش ناتوانێت لەبارەی بابەتەكانی پەروەردە، تەندروستی، گەرەنتی بدات.

لەبارەی پرسیاری كاتی ھەڵگرتنی گەمارۆكانی سەر كوبا، ئۆباما گوتی: "گەمارۆكان كۆتاییان دێت. دڵنیا نیم كەی، بەڵام بە دڵنیایەوە كۆتاییان دێت".

كاسترۆ لە وەڵامی پرسیارێكی پەیوەندیدار بە دەستگیركراوانی سیاسیی لە وڵاتەكەی گوتی: "لەمبارەیەوە لیستەیەك بدەن، ھەر ئێستا ئەوان ئازاد دەكەم، ئەگەر بەم شێوەیەی ئێوە باسی دەكەن دەستگیركراوی سیاسیی بوونی ھەبێت ئەوا من ئەمشەوە ھەموویان ئازاد دەكەم".

پرسی ئاسایی بوونەوەی پەیوەندیەكانی نێوان كوبا و ئەمریكا وەك سەركەوتنێك لە سیاسەتی دەرەوە بۆ ئۆباما ھەژمار دەكرێت.