سووریا.. پێکدادان لە نێوان داعش و ئۆپۆزسیۆن لە عەزاز

شەڕو پێكدادانەكانی نێوان چەكدارانی داعش و هێزەكانی ئۆپۆزسیۆنی سووریا لە دەورووبەری شارۆچكەی عەزازی سەربە پارێزگای حەلەب باکووری سووریا درێژەی هەیە.

پێكدادانەكان بەشێوەیەك بەهێزن كە تەنانەت لە نزیك سنووری شاری كلیسی سەر سنووری توركیا - سووریا دەنگی تەقە و تەقینەوە دەبیسترێت، ئەمە جگە لەوەی كە دووكەڵێكی زۆر ئاسمانی ناوچەكەی تەنیوەتەوە.

لەم نێوەندەشدا فڕۆكە جەنگییەكانی توركیا بە مەبەستی پاراستنی سنووری وڵاتەكەیان بەردەوامن لە فڕین و چاودێریکردن.