کاردانەوەی پاپا لەهەمبەر بۆردومانکردنی حەلەب

ڤاتیکان- AA

رابەری کاسۆلیکەکانی جیهان، پاپا فرەنسیس لەبانگەوازێکیدا بۆ ئەنجامدەرانی بۆردومانەکانی حەلەب رایگەیاند ئەوانە ناچار دەبن لەبەردەم یەزداندا باجەکەیان بدەن.

لەهەموو چوارشەممەیەکدا پاپای ڤاتیکان لە گۆڕەپانی سان پیتەر دانیشتنی گشتی ئەنجام دەدات و لەم چوارشەمەیە باسی لە بۆردومانەکانی سەر شاری حەلەب باکووری سووریای کرد.

پاپا گوتی: "جارێکی تر بیر و بۆچوونەکانم داڕماوەن، لەگەڵ سووریا و پێکەوە هەواڵی تراجیدی ئازاری خەڵکی حەلەب دەبیستین. لەگەڵ ئەواندا هەست بە ئازارەکان دەکەم و لە نزاکانمدا بە مەعنەویش هەست بە نزیکیان دەکەم".

فرەنسیس لەسەر هێرشەکانی حەلەب ئاماژەی بەوەدا کە بەهۆی بۆردومانەکانەوە گەنج و منداڵ و پیر و نەخۆش هەموویان دەمرن لە شارەکە، ئەمەش مایەی ئازارێکی قووڵە بۆیان و نیگەرانی خۆی دەربڕی بەرامبەر بە دۆخەکە و گوتی: "بانگەوازی خۆم دووپات دەکەمەوە بۆ هەموو هێزەکان کە بە پەلە و زۆرەملێیی کەسانی سیڤیل بپارێزن، روو دەکەمە ئەو ویژدانانەی بەرپرسن لە بۆردومانەکە، لەبەردەم یەزداندا ناچار دەبن باجەکەی بدەن".