ژماره‌ی قوربانییانی لافاو و راماڵینی خاك له‌ ژاپۆن له‌هه‌ڵكشاندایه‌

ئه‌نقه‌ره‌ - AA

لە ژاپۆن 112 کەس لە ئەنجامی لافاو و داڕمانی زەوی کە بە هۆی بارانی بەخوڕ کە ناوچەکانی خۆرئاوا و ناوەڕاستی ئەو وڵاتەی گرتووەتەوە، گیانیان لەدەستدا.

ئاژانسی هەواڵیی کیۆدۆ بڵاویکردەوە، بە هۆی لافاو و داڕمانی زەوییەوە، 112 کەس گیانیان لەدەستداوە و 80 كه‌سیش بێ سه‌روشوێنن.

فەرمانگەی ئاگرکەوتنەوە و کارەساتەکان، کارمەندانی بەرگریی شارستانی، ئاسایشی کەناراوەکان، پۆلیس و ئاگرکوژێنەوە کە ژمارەیان دەگاتە 73 هەزار کەس لە کارەکانی گەڕان و رزگارکردنی هاووڵاتییاندا بەشدارن و ژمارەی ئەو کەسانەی کە لە ناوەندەکانی رزگارکردن ماونەتەوە 23 هەزار کەسە.