ئەنقەرە - AA

وەزارەتی بەرگریی تورکیا بڵاوی کردەوە، لە چوارچێوەی پلانسازیە قۆناغبەندیەکان بۆ زیادکردنی ئاسایشی کۆماری تورکی قوبرسی باکوور، لەمڕۆوە شەش فڕۆکەی جەنگی F-16 و سیستمەکانی بەرگریی ئاسمانیی تیایدا جێگیر کراون.

لەو بارەیەوە، وەزارەتەکە ڕاگەیاندراوێکی بڵاو کردەوە و، تیایدا ڕایگەیاند: "لە چوارچێوەی پێشهاتەکانی ناوچەکەمان و ئەو پلانسازیە قۆناغبەندییانەی بۆ زیادکردنی ئاسایشی کۆماری تورکی قوبرسی باکوور ئەنجام دراون، لەمڕۆوە شەش فڕۆکەی جەنگیی F-16 و سیستمەکانی بەرگریی ئاسمانیی لە کۆماری تورکی قوبرسی باکوور جێگیر کراون. لە ئەنجامی ئەو هەڵسەنگاندنانەی بەپێی پێشهاتەکان ئەنجام دەدرێن، لە کاتی پێویستدا گرتنەبەری ڕێکاری زیاتر بەردەوام دەبێت".