پێشمەرگە بەرەو چیای باشیک لە پێشڕەوی دایە

نەینەوا - AA

هێزەکانی پێشمەرگە لە درێژەی ئۆپەراسیۆنی رزگارکردنی مووسڵ و ناوچەکانی دەوروبەری، بەرەو چیای باشیک پێشڕەویان کرد.

پەیامنێری ئاژانسی ئانادۆڵو لە ناوچەکە رایگەیاند کە هێزەکانی پێشمەرگە بەرەو چیای باشیک پێشڕەویان کرد.

چیای باشیک لە باکووری رۆژهەڵاتی مووسڵ هەڵکەوتووە و لە رووی سەربازییەوە گرنگە.

لە لایەکی دیکەوە راگەیەنرا کە سوپای عێراق چووە ناو قەزای حەمدانییە. بە پێی گوتەی پەیامنێری ئاژانسی ئانادۆڵو شەڕ لە ناوەندی قەزاکە بەردەوامە و تا ئێستا شارەکە بە تەواوی کۆنتڕۆڵ نەکراوە.