پۆلیسی یۆنان بە بۆمبی گاز رووبەڕووی کۆچبەران بووەوە

ئەدیرنە-AA

پۆلیسی یۆنان بە گازی فرمێسکڕێژ رووبەڕووی ئەو کۆچبەرانە بووەوە کە لە سنووری تورکیاوە بەرەو یۆنان کەوتبوونەڕێ و هەوڵی پەڕینەوە بۆ سنووری یەکێتیی ئەورووپایان دەدا.

ئەمەش کۆچبەرانی خستە دۆخێکی سەختەوە و بەشێکیان بە کاریگەری دووکەڵی گازەکە بوورانەوە و چەند کۆرپەیەکی ساواش دووچاری هەناسەسواری بوون.

کۆچبەرەکان برانە خیوەتی تایبەت بە تیمە تەندروستییەکانی تورکیا و لەوێ چارەسەرکران.

هێزەکانی پاراستنی سنووری یونان بۆ دوورخستنەوەی کۆچبەران لە سنوورەکانیان ناوبەناو بۆمبی گازی بەکاردەهێنن.