پرۆسه‌ی ده‌نگدان بۆ هه‌ڵبژاردنی خولی یانزه‌هه‌می په‌رله‌مانی ئێران ده‌ستی پێكرد

تاران – AA

له‌ كاتژمێر ٠٧:٣٠ه‌وه‌ پرۆسه‌ی ده‌نگدان بۆ هه‌ڵبژاردنی خولی یانزه‌هه‌می په‌رله‌مانی ئێران له‌ ٥٥ هه‌زار خاڵ له‌ سه‌رتاسه‌ری ئه‌و وڵاته‌ ده‌ستی پێكردووه‌.

به‌مه‌به‌ستی هه‌ڵبژاردنی ٢٩٠ په‌رله‌مانتار ٥٧ ملیۆن و ٩١٨ هه‌زار ده‌نگده‌ر له‌ ٢٠٨ ناوچه‌ی ده‌نگدان كه‌ ٥٥ هه‌زار سندوقیان لێ داندراوه‌ ده‌نگ ده‌ده‌ن.

پرۆسه‌ی ده‌نگدانه‌كه‌ تاكو كاتژمێر ٠٥:٠٠ی ئێواره‌ به‌رده‌وام ده‌بێت و ئه‌گه‌ر فه‌رمانگه‌ی هه‌ڵبژاردنی ئێران به‌ پێویستی بزانێت ده‌توانێت پرۆسه‌كه‌ تاكو كاتژمێر ١٢:٠٠ی شه‌و درێژ بكاته‌وه‌.

ره‌زامه‌ندی ده‌ربڕاوه‌ له‌ سه‌ر خۆ كاندیدكردنی حه‌وت هه‌زار و ١٤٨ كه‌س له‌ كۆی ئه‌و ١٦ هه‌زار و ٣٣ كه‌سه‌ی داواكارییان پێشكه‌س كردبوو. به‌مجۆره‌ به‌پێی ئه‌وه‌ی په‌رله‌مان له‌ ٢٩٠ كورسی پێك دێت، بۆ هه‌ر كورسییه‌ك ٢٤ كاندید ده‌كه‌ونه‌ كێبڕكێ.

له‌لایه‌كی دیكه‌وه‌ ده‌نگده‌رانی ئێران جگه‌ له‌ هه‌ڵبژاردنی په‌رله‌مان ده‌نگ بۆ هه‌ڵبژاردنی به‌شێك له‌ ئه‌ندامانی ئه‌نجوومه‌نی شاره‌زایان بۆ خولی پێنجه‌م ده‌ده‌ن.

دوو ملیۆن و ٩١٣ هه‌زار و ٧١٦ كه‌سیش بۆ یه‌كه‌م جاره‌ به‌شداری له‌ هه‌ڵبژاردندا ده‌كه‌ن.

راگه‌یاندنی ئه‌نجامی نافه‌رمییه‌كانی هه‌ڵبژاردنه‌كه‌ش له‌ سبه‌ی به‌یانییه‌وه‌ ده‌ست پێ ده‌كات.