نوێژی جەژن لە مزگەوتی ئەقسا

قودس-AA

بە بۆنەی جەژنی قوربانەوە بە دەیان هەزار موسوڵمان لەناو مزگەوتی ئەقسادا نوێژی جەژنیان کرد.

موسوڵمانان کە بە هۆی رۆژی عەرەفەوە هاتوونەتە قودسی رۆژهەڵات، لەگەڵ بەرەبەیانی جەژندا لەناو مزگەوتی ئەقسادا نوێژی جەژنیان پێکەوە کرد.

لە وتاری جەژنیشدا، ئیمام و خەتیبی مزگەوتەکە، شێخ یوسف سونەینە باسی لە دۆخی موسوڵمانان کرد لە تەواوی جیهاندا، هاوکات ئاماژەی بەو فشارانەی ئیسرائیل کرد کە کردوویەتیە سەر موسوڵمانان بە تایبەت لە قودس و دووپاتی کردەوە کە ئەو زوڵمانە بەو چەشنە بەردەوام نابن.