مێرکڵ و پوتین پەیوەندییه‌كی تەلەفۆنییان ئه‌نجامدا

بەرلین- AA

راوێژکاری ئەڵمانیا، ئەنگێلا مێرکڵ پەیوەندییەکی تەلەفۆنی لەگەڵ سەرۆکی رووسیا، ڤلادیمیر پوتین ئەنجامدا.

یاریدەدەری گوتەبێژی حکوومەتی ئەڵمانیا، ئولریکە دێمەر لە راگەیەندراوێکدا ئەوەی خستوەتەڕوو کە ئەنگێلا مێرکڵ و ڤلادیمیر پوتین لە پەیوەندییە تەلەفۆنییەکەدا باسیان لەوە کردووە کە چارەسەرکردنی ئاشتییانەی ناکۆکییەکانی رۆژهەڵاتی ئۆکراینا لە چوارچێوەی رێککەوتننامەکانی مینسک دەبێت.

ئولریکە دێمەر ئەوەشی ئاشکرا کردووە کە پەیوەندییەکانی نێوان هەردوو وڵات و پرسەکانی تایبەت بە وزە وەک دانانی دوو هێڵی گواستنەوەی گازی سرووشتیی کە بە ئۆکراینادا تێدەپەڕن، لە مژارەکانی دیکەی پەیوەندییە تەلەفۆنییەکە بوون.