میسر..بەهۆی تەقینەوەیەک ٧٥ کەس بریندار بوون

قاهیرە - AA

گوتەبێژی وەزارەتی تەندروستی میسر، خالید موجاهید رایگەیاند، تەقینەوەیەک لەنزیک مزگەوتێک لە شاری عەریش (باکووری سینا) روویدا.

تەقینەوەکە لەدوای تەواوبوونی نوێژی هەینی و دەرچوونی نوێژخوێنان لە مزگەتەکە روویداوە.

گوتەبێژی وەزارەتی تەندروستی میسر، خالید موجاهید لە لێدوانێکدا رایگەیاند: "تەقینەوەیەک لە نزیک مزگەوتی رەوزە رۆژئاوای عەریش ناوەندی پارێزگای باکووری سینا روویدا".

خالید موجاهید گوتیشی: "لە ئاکامی تەقینەوەکەدا ٧٥ کەس برینداربوون".

ناوبراو ئاماژەی بەوەشکرد کە بریندارەکان گوازراونەتەوە بۆ نەخۆشخانەی بئیر عەبد".

بە پێی زانیارییە سەرەتاییەکانی گوتەبێژی وەزارەتی تەندروستی میسر، خالید موجاهید، تەقینەوەکە کوژراوی لێنکەوتووەتەوە.