نیکۆسیا - AA

فێستیڤاڵی فڕۆکەوانی و بۆشایی ئاسمان و تەکنەلۆجیای TEKNOFEST کە لە کۆماری تورکی قوبرسی باکوور بەڕێوەدەچێت، لە یەکەم ڕۆژدا پێشوازی لە ٦٢ هەزار کەس کرد.

فێستیڤاڵەکە کە گەورەترین فێستیڤاڵی فڕۆکەوانی و بۆشایی ئاسمان و تەکنەلۆجیای جیهانە، لە فڕۆکەخانەی کۆنی ئەرجان لە نیکۆسیای پایتەختی کۆماری تورکی قوبرسی باکوور پێشوازی لە هاووڵاتیان دەکات.

ئەم فێستیڤاڵە کە لە ژێر چاودێری سەرۆکایەتی کۆماری تورکی قوبرسی باکوور، لەلایەن دامەزراوەی تیمی تەکنەلۆجیای تورکیا (T3 Foundation) و وەزارەتی پیشەسازی و تەکنەلۆجیا لە فڕۆکەخانەی کۆنی ئەرجان بەڕێوەدەچێت، ١٣٢ دامەزراوەی لایەنە پەیوەندیدارەکان بەشدارن تیایدا.

بەپێی ئەو زانیارییەی دەست ئاژانسی ئانادۆڵو کەوتووە، لە یەکەم ڕۆژدا ٦٢ هەزار کەس سەردانی فێستیڤاڵەکەیان کردووە.

فێستیڤاڵەکە کە دوێنێ دەستیپێکرد و هەتا چواری ئایار بەردەوام دەبێت، تیایدا لە ١١٦ستاندا چالاکییەکانی تایبەت بە تەکنەلۆجیا بە خوێندکاران و گەنجان ئاشنا دەکرێت.

لە چوارچێوەی فێستیڤاڵەکەدا نمایشی فڕین بە فڕۆکە ناوخۆیی و نیشتمانییەکان بەڕێوەدەچێت.