جيهان
لە غەززە پێنج کەسی دیکە بەھۆی برسێتییەوە گیانیان لەدەستدا
- وەزارەتی تەندروستیی فەڵەستین لە کەرتی غەززە ڕایگەیاند، ژمارەی ئەو فەڵەستینییانەی کە لە مانگی تشرینی یەکەمی ساڵی ٢٠٢٣وە تا ئێستا بەھۆی برسێتییەوە لە کەرتی غەززە گیانیان لەدەستداوە، بەرزبووەتەوە بۆ ٢٢٢ کەس.
ABDULSALAM FAYEZ |
11.08.2025 - نوێکردنەوە : 11.08.2025
Istanbul
غەززە ــ AA
وەزارەتی تەندروستیی فەڵەستین لە کەرتی غەززە، گیانلەدەستدانی پێنج کەسی دیکەی بەھۆی برسێتییەوە لە کەرتی غەززە، ڕاگەیاند.
وەزارەتەکە لە ڕاگەیاندراوەکەدا ئاماژەی بەوەداوە لە میانی ٢٤ کاتژمێری ڕابردوودا، پێنج کەسی دیکە بەھۆی برسێتییەوە لە کەرتی غەززە، گیانیان لەدەستداوە کە لەنێویاندا یەک منداڵ ھەیە.
باسی لەوەش کردووە ژمارەی ئەو فەڵەستینییانەی کە لە ٧ی مانگی تشرینی یەکەمی ساڵی ٢٠٢٣وە تا ئێستا بەھۆی برسێتییەوە لە کەرتی غەززە گیانیان لەدەستداوە، بەرزبووەتەوە بۆ ٢٢٠ کەس کە ١٠١یان منداڵن.
