غەززە ــ AA

لە ئاکامی زنجیرەیەک ھێرش و بۆردومانی سوپای ئیسرائیلدا بۆ سەر ژمارەیەک ناوچەی کەرتی غەززە، ١١ فەڵەستینی کوژران.

بەپێی ئەو زانیارییانەی کە ئاژانسی ئانادۆڵو لە شایەتحاڵەکانەوە دەستی کەوتووە، سوپای ئیسرائیل زنجیرەیەک ھیرشی کردووەتە سەر چەند ناوچەیەكی باکوور، ناوەڕاست و باشووری کەرتی غەززە.

بە گوتەی شایتەحاڵەکان لە میانی ھێرشەکاندا، ژمارەیەک فەڵەستینی لە بەردەم ناوەندەکانی دابەشکردنی یارمەتییە مرۆیییەکان، ھەروەھا ژمارەیەک خانوو و کەمپی ئاوارە فەڵەستینییەکان لە چەند ناوچەیەکی باکوور، ناوەڕاست و باشووری کەرتی غەززە، لەلایەن سوپای ئیسرائیلەوە بۆردومان کراون.

ھاوکات چەند سەرچاوەیەکی پزیشکی بە ئاژانسی ئانادۆڵویان ڕایگەیاند کە لە ئاکامی بۆردومانەکاندا، ١١ فەڵەستینی کوژراون و ژمارەیەکی دیکەش برینداربوون.